Народот е врховен судија во политиката а 2/3 за уставни измени под бугарски диктат нема порачува потпретседателот на ВМРО-ДПМНЕ Александар Николовски кој бара СДСМ да запре со лагите и да прифати национално обединување.
Македонија пропаѓа затоа што двоецот Ковачевски Ахмети наместо да нуди решенија неуспешно се занимава со спинови и подметнувања. Носат национални предавства пробуваат да ги покријат со невешт ПР. Не оди тоа! А, секогаш вистината е најлесна, вели Николовски кој потсетува како СДСМ го лажеше народот.
,Неколку збора за вистината- цела година ја лажат јавноста дека преговараат со пратенции од ВМРО ДПМНЕ и коалицијата, имале па немале, ги делат луѓето на проЕУ и антиЕУ, прогресивни и регресивни, вакви и такви, а вистината е желба за ден повеќе криминална власт!
2/3 во Собранието немаат и никогаш нема да имаат! Од ВМРО ДПМНЕ подршка за уставни измени под Бугарски диктат нема и нема да има! Најдобар доказ за ова е што прелогот за уставни измени не го ставаат на гласање!
Им понудивме национално обединување на Македонците- го одбија! Станаа класични измеќари на ДУИ и Ахмети”, смета Николовски кој вели дека СДСМ прифати договор со Бугарија катастрофален по македонските национални интереси, кој не можат да го испорачаат.
,,Ги предупредивме, а СДСМ игнорираше! Една година потоа после сите лаги и подметнувања СИТЕ пратеници на ВМРО ДПМНЕ и коалицијата се ПРОТИВ Бугарскиот диктат и се столбот на одбраната на македонскиот национален идентитет.
Понудивме и решение на проблемот што тие го создадоа а не можат да го решат. Одбија!
Кодошат и ја злоупотребуваат меѓународната заедница, одлучија наместо да прифатат решение да спинуваат. Лоши ” спин доктори”!
Прифаќање на Бугарски диктат нема, но може да има заштита на националните интереси и наместо да се приклучат одлучија да прават негативна кампања со невистини демек ВМРО ДПМНЕ прифатил нешто, а јасно е година дена дека не прифаќаме ништо од нивните лоши одлуки за Македонија!
Ние понудивме државнички пристап, а тие примитивизам и предавства. Нас Македонија, а на СДСМ Бугарија. Тоа е разликата”, смета Николовски според кого само избори се решение а колку колку побргу СДСМ заминат толку побргу ќе огрее сонцето за Македонија!
,,Народот да каже за иднината на Макеоднија како врховен судија во политката”, заклучува Николовски.
