НАТО повеќе не е обврзан да се воздржува од распоредување сили во Источна Европа, изјави заменик генералниот секретар на Алијансата, Мирчеа Џоана, цитиран од „Франс прес“.
Според него, со руската инвазија на Украина и прекинот на дијалогот со НАТО, самата Москва практично го поништила Основачкиот акт за меѓусебни односи, соработка и безбедност меѓу Русија и НАТО, потпишан пред 25 години.
Според Основачкиот акт од 1997 година, дизајниран да ги рестартира односите меѓу Русија и Алијансата, двете земји мора да работат на „спречување на секаква потенцијално заканувачка акумулација на конвенционални сили во договорните региони на Европа, вклучително и Централна и Источна Европа“.
Тие (Русите) ветија дека нема да ги напаѓаат своите соседи, што го прават сега, како и редовно да се консултираат со НАТО, што не го прават, рече Џоана.
Според него, Русија практично се оддалечила од условите на договорот од 1997 година.
Поради оваа причина, според Џоана, Алијансата повеќе не е „на кој било начин ограничена во зајакнувањето на своите позиции на источното крило“.
