Украина нема да се приклучи на НАТО во следните неколку години, но нејзините западни сојузници развиваат стратегија која на земјата ќе и обезбеди сигурност и заштита од обновената руска агресија, како и помош во актуелната војна.
Оваа стратегија се заснова на израелскиот модел, објави The Wall Street Journal (WSJ) кој се повикува на изјави на полскиот претседател Анджеј Дуда и западните претставници запознаени со дискусиите.
Израел не е дел од НАТО, но САД го поддржуваа во текот на неговото постоење како независна држава.
Тел Авив е најголемиот примател на американска помош од Втората светска војна.
Односите меѓу Израел и САС се фиксирани со 10-годишни договори, а сегашниот предвидува воена помош во износ од 38 милијарди долари за периодот 2019-2028 година.
Таквиот договор со Украина треба да влијае на плановите на Москва во актуелниот конфликт, велат западните власти.
Така, Русија повеќе нема да може да се надева дека долгата војна ќе доведе до намалување на поддршката за Украина, објасни Анджеј Дуда го објасни во интервју за WSJ.
Според Дуда, негов приоритет ќе биде трансферот на оружје и напредни технологии во Украина.
Киевб досега доби многубројни оружја од НАТО, кои се движат од преносни и стационарни противвоздушни ракетни системи до тенкови и борбени возила на пешадијата. На крајот на минатата недела, американскиот претседател Џо Бајден ја поддржа идејата европските земји да и обезбедат на Украина американски борбени авиони Ф-16 и се согласија да започнат со обука на украински пилоти да работат со нив.
