Новата година, 664 вработени во Министерството за финансии, ќе ја стартуваат со дури 32,7 насто поголема просечна месечна бруто-плата по вработен, објави „Пари.мк“.
Платата ќе им се зголеми за речиси 250 евра и ќе изнесува 987 евра (60.685 денари).
Втори на листата со зголемување на просечната месечна бруто-плата се во Министерството за образование кое ќе подели плати на 7.406 вработени, при што просечната месечна бруто-плата ќе се зголеми за 29,77 насто или 956 евра (58,822 денари).
Трети на листата се вработените во Министерството за одбрана, каде што просечната месечна бруто-плата за 7.468 вработени ќе биде 895 евра (55,068 денари).
