Најнеспособните кадри ги избираат за директори, за да може да ги контролираат. Ваков коментар за „Фокус” даде разрешениот директор на скопската Кардиохирургија, доктор Сашко Јовев, откако денеска беше назначен Марјан Шокаровски на негово место.
„Се избираат најнеспособните кадри и Јуди за да може да ги контролираат. Тоа е целта.”, вели доктор Јовев во изјава за „Фокус”.
Две недели по неговото разрешување, откако јавноста и лекарската фела се крена на нозе, актуелниот министер за здравство Фатмир Меџити назначи нов директор.
Од Министерството за здравство излегоа со соопштение за назначувањето на новиот директор и со образложение на целата негова кариера.
