Професорката Мирјана Најчевска реагира на „оценките“ на владејачката СДСМ дека синоќешниот протест во организација на ВМРО-ДПМНЕ, бил неуспешен, дека пропаднал, а според некои медиуми блиски до власта и дека бил „издишан“.
„Не ми е јасно што значи неуспешен протест.
Незвисно од глупостите кои ги слушнавме од говорниците, дошле луѓе кои од нешто се незадоволни.
Нешто ги мачи и нешто сакаат да променат.
Треба да се види што е тоа. Дали има реална основа. Дали може и треба нешто да се промени.
Не беше на улица сам Мицковски
.На улица беа илјадници граѓани кои сакаа нешто да кажат.
Јас би се замислила.
И би ги слушнала што кажуваат. И би одговорила“, објави Најчевска на Фејсбук.
