ПрофесоркатаМирјана Најчевска со свој коментар на Фејсбук по низата изјави на политичари од албанскиот политички блок во Македонија дека се „господари“ или дека владеат со Македонија.
Ахмети: Избравме Албанците да бидат господари во Македонија
„Ме прашуваат дали е нормално ова што го прават етничките Албанци во Македонија (националистичката еуфорија, крадење на се што ќе дојде до рака, уништување на јавното добро, криминализација на политиката).
Јас велам – да.
Кога се осамостојуваше Македонија и кога власта доминантно ја зедоа етнички Македонци, учени-недоучени пилиштарци кои функцијата ја разбраа како отворен повик за крадење и кога сиот општетсвен и државен имот го ставија на добош и преку ноќ директорчињата станаа сопственици на цели претпријатија и ланци од продавници и згради и парцели, и кога почнаа да измислуваат сопствена историја во која бесмисолот се калемеше на апсурдот, тоа беше првиот бран на уништување.
И тие станаа господари“, пишува Најчевска.
„Сега етничките Албанци мислат дека им е ним редот да градат некоја фантасмагорична историја во која криминалите стануваат херојства, а примитивизмот доблест, кога можат да крадат, мамат, прават малверзации од позиција на власт.
И да бидат господари.
Проблемот е само во тоа што ни на едните ни на другите не им е местото на крајот на 20 век и почетокот на 21. И едните и другите се заостаток од 18 и 19 век кој дебело се усмрдел чекајки ги своите 5 минути. Време е да пуштиме вода во шољата“, пишува Најчевска.
