Најмалку 10.000 луѓе се водат како исчезнати по силната бура што предизвика уривање на врани и разорни поплави во североисточна Либија, соопшти претставник на Меѓународната федерација на Црвениот крст и Црвената полумесечина (IFRC).
Пукнаа 2 брани во Либија: 2.000 загинати, 6.000 исчезнати (ВИДЕО)
Властите проценуваат дека само во градот Дерна загинале околу 1.000 луѓе, предупредувајќи дека бројот на жртвите може да се зголеми, пренесува Дојче веле.
Спасувачките тимови почнаа да извлекуваат стотици тела од урнатините по обилните врнежи во текот на викендот кои предизвикаа скршење на браните, одземајќи цели области.
„Бројот на загинатите е огромен и може да достигне илјадници“, изјави за новинарите Тамер Рамадан, шеф на делегацијата на IRFC во Либија.
„Можеме да потврдиме од нашите независни извори на информации дека бројот на исчезнати лица достигнува 10.000 лица досега“, додаде тој.
