Германската министерка за надворешни работи Аналена Баербок најави дека земјата ќе престане да увезува нафта од Русија до крајот на годината, потоа, следува прекин на увозот на гас…
Германија во моментов покрива четвртина од потребите за нафта со увоз од Русија, што е за една третина помалку споредено со периодот пред пред инвазијата на Украина. Зависноста од рускиот гас е намалена од 55 на 40 отсто, така што наоѓањето алтернативни патишта за снабдување со горивото ќе биде многу потешко.
Може ли Германија да успее во ова, а може и Европската Унија?- пишува Индекс.хр.
Европа со децении ја градеше својата индустрија врз основа на евтината енергија од Русија, а за таа цел е изградена комплексна мрежа на нафтоводи и гасоводи меѓу Русија и Западна Европа.
Европа е во незавидна енергетска ситуација.
Според Евростат, во 2020 година ЕУ покривала 58 отсто од потребите за енергија, додека само 42 отсто биле покриени од сопствени извори. 35 отсто од енергетските потреби се задоволуваат од нафта, 24 отсто од гас, 17 отсто од обновливи извори (во кои спаѓаат хидроенергијата), 13 отсто од нуклеарна енергија и 11 отсто од јаглен.
Таа година 46 отсто од природниот гас беше увезен од Русија.
Зависноста од Русија како извор на сурова нафта е помала отколку од гасот, па така во 2020 година таа учествуваше со 26% од увозот на овој извор на енергија, што задоволува 37% од енергетските потреби во ЕУ.
Гасоводи и нафтоводи се разгранети низ европскиот континент, што предизвика неколку земји во транзит од Русија до крајниот купувач. Ова го отежнува мерењето на зависноста на земјите-членки на ЕУ од руската нафта и гас, а податоците понекогаш се погрешно претставени или воопшто не се пријавуваат во заводот за статистика на ЕУ.
На пример, Евростат наведува дека податоците за трговијата со гас во Австрија се доверливи. Но, според некои проценки, Австрија е силно зависна од гасот од Русија, дури 80 отсто. Затоа се едни од најголемите противници на воведувањето санкции за увоз на гас од Русија.
Интересен е случајот со Хрватска, која не пријавила никаква набавка на гас од Русија. Но, тоа е погрешно, бидејќи Хрватска увезува руски гас преку Унгарија…
