Русија нема намера да им испорачува нафта на потрошувачите кои одредуваат горна граница на цената за руската нафта, изјави потпретседателот на руската влада Александар Новак.
„Ние сме против таквите непазарни инструменти бидејќи таквите преседани се многу штетни за пазарот на енергенси. Тоа само доведува до дефицит и осцилации на цените. Доколку ваквиот механизам биде воведен цената ќе ја платат потрошувачите“, кажа Новак на прес-конференција.
Тој ги предупреди земјите кои планираат да воведат горна граница за цената на руската нафта дека за Русија е прифатливо да им испорачува нафта само на оние купувачи кои ги поддржуваат пазарните механизми во одредувањето на цената на нафтата, пренесува ТАСС.
