Москва денеска одговори на навредите на американскиот претседател Бајден кој Путин го нарече воен злосторник и негативец.
На американскиот амбасадор во Русија, Џон Саливан му беше врачена протестна нота поради неодамнешните „неприфатливи изјави на шефот на Белата куќа Џозеф Бајден“.
„Се нагласува дека ваквите изјави на американскиот претседател, недостојни за толку висок државник, ги доведуваат руско-американските односи на работ на прекин. Непријателските дејствија преземени против Русија ќе бидат одлучно и цврсто отфрлени“, соопшти Москва во соопштение.
