Да се елиминира нееднаквиот третман што во општеството го имаат регистрираните земјоделци кои уплаќаат за пензиско и здравствено осигурување, а ги немаат правата кои произлегуваат од работен однос, бара Граѓанскиот сектор кој покрена иницијатива за измени и дополнувања на Законот за здравствено осигурување.
За земјоделките тие предлагаат 9 или 15 месеци породилно отсуство и надомест во висина на минималната плата.
Регистрираните земјоделци не се на товар на буџетот, а произведуваат храна за сите во општеството, а немаат платено боледување и платено породилно отсуство, ниту имаат право на годишен одмор, објавува МКД.МК.
Ова се само некои од укажувањата на Локалната акциска група (ЛАГ) Агро Лидер и Комисијата за спречување и заштита од дискриминација (КСЗД) кои јавно го отворија прашањето – „колку се земјоделците изгубени во лавиринтите на законските регулативи?“
