Архиепископот Јероним осуди висок свештеник на Грчката православна црква, кој за катастрофалниот пожар во источна Атика го обвини „атеистичкиот премиер“ на Грција.
„Ова е тажен феномен. Бог е љубов. Бог не се одмаздува, туку ги повикува сите да се сакаат еден со друг… Има граница и на личните ставови“, рече Јероним, осврнувајќи се на коментарите што ги даде владиката Амброзиј од Калаврита на Пелопонез.
„Атеистичкиот премиер Алексис Ципрас го предизвика Божјиот гнев!“, напиша Амброзиј на својот блог. „Атеистите од СИРИЗА се причината за општата катастрофа! Нивниот атеизам го предизвика Божјиот гнев!“.
Коментарите на владиката веднаш наидоа на осуда на социјалните мрежи, вклучувајќи и од православни свештеници.
