Пратеникот Антонијо Милошоски бара оставка од директорот на затворот во Шутка Есад Рахиќ, откако вчера Катица Јанева испратила писмо до СЈО во кое наредува предметите од СЈО да бидат во рок од три дена префрлени во Јавното обвинителство.
1. Во моментот кога лице/функционер (СЈО Катица Јанева) е во притвор, тоа лице не смее директно да комуницира со други лица и институции, освен со својот бранител или преку него. Затоа е мерката притвор. Особено не смее да комуницира со институцијата или вработените на кои може да влијае, кои може да бидат сведоци, а таа институција е токму онаа која притворената ја злоупотребила и таму се наоѓаат материјали или докази кои можат да бидат битни во истрагата за осомничената.
2. Притворениот градоначалник, директор, државен секретар, пратеник, министер, судија, обвинител, кој истовремено е во оставка, по сила на закон ги губи ингеренциите во својата институција и капацитетот да наредува на вработените, да одлучува, санкционира или решава, особено не за прашања поврзани со злоупотребата заради која е во притвор!
3. Есад Рахиќ треба да поднесе оставка од директор на истражниот затвор, доколку спротивно за правилата ја овозможил оваа комуникација спротивна на законот и притворот“, пишува Милошоски на Фејбук.
