Лидерот на ВМРО-ДПМНЕ Христијан Мицкоски по средбата со Ескобар порача дека партијата ги потврдила своите позиции уставните измени но и дека СДСМ ги лаже ЕУ и САД за македонските работи.
,,Денеска заедно со потпретседателот на ВМРО-ДПМНЕ Александар Николоски, остваривме средба со заменик-помошникот државен секретар на САД и специјален претставник за Западен Балкан, Габриел Ескобар и Амбасадорот на САД, Ангела Агелер.
На средбата беше потврден ставот на коалицијата предводена од ВМРО-ДПМНЕ во врска со уставните измени.
Исто така беше потенцирана од двете страни потребата за јакнење и продлабочување на стратешкото пријателство меѓу двете држави.
Потенцирав дека актуелната власт во Македонија за многу внатрешни политички прашања погрешно ја информира меѓународната заедница вклучително и САД.
Уште еднаш беше афирмиран ставот на партијата дека суштинската заложба и приоритет на ВМРО-ДПМНЕ е ЕУ и евроатланските вредности.
Воедно, укажав дека единствено решение за излез од една ваква исклучително тешка ситуација, се одржување на предвремени парламентарни избори на кои граѓаните ќе изберат Влада со легитимитет”, објави Мицкоски по средбата.
