Лидерот на опозициската ВМРО-ДПМНЕ реагира на ударните вести од денеска кои известуваат за илјадници граѓани кои заминуваат во Србија во надеж дека ќе успеат да се вакцинираат во услови кога во Макдонија досега властите не успеаја да донесат – ниедна вакцина.
„Денес колоните возила за соседна Србија најдобро ја покажуваат бедата и неспособноста на владата и Зоран Заев.
Тоа покажува и колку народот им верува на властите кои најавија вакцини за утре.
Државата постои за да им служи на граѓаните, само кај нас државата постои за да биде крадена од власта. Македонија живее полоши години од деведесеттите, стигнавме до таа точка народот сам да се снаоѓа и бори за живот, кога веќе тоа не го прави Владата.
Порака до власта: погледнете го својот народ, погледнете ги колоните возила, тоа е вашиот срам. Ова нема да се заборави, одговорност ќе има#, порача Мицкоски во објавата на фејсбук.
