Македонскиот публицист Ким Мехмети во уште една колумна за бугарската агенција БГНЕС тврди дека Македонија не може да биде држава со „фалшлив идентитет“ и не штеди на навреди кон државата во која живее.
„Во Македонија е невозможно да се утврди точниот број на нејзините жители и какво е нивното етничко потекло. Дали знаете зошто?
Се чини дека оние што немаат словенско-македонско етничко потекло се бескорисни и непостоечки за Македонија, а можеби и поради тоа и се случуваат неочекувани работи: колку повеќе се намалуваат нејзините жители, толку повеќе се зголемуваат бројот на глупави политичари кои ви веруваат може да изгради држава, забранувајќи „увоз“ на книги на албански и бугарски јазик, пишува Мехмети.
И, во таа Македонија, исцрпена од тоа што го крие своето вистинско лице и се обидува да се претстави каква што не е, Белград инјектира не само вакцини против КОВИД-19, туку и дози на омраза кон Албанците и Бугарите, исто како што им ја инјектира српската политичка меморија.
Мехмети не штеди навреди и кон партијата на Али Ахмети: Каква е улогата на лидерите на ДУИ во целата оваа приказна, во целата оваа понижувачка игра против Албанците во Македонија? Изгледа дека тие одамна примиле коктел-вакцина од српско-македонската политичка меморија што ги прави нечувствителни на судбината на нивните гласачи и ги заслепи толку многу што не гледаат дека е невозможно да се изгради куќа без темели и држава со лажен етнички идентитет’.
