Екс пратеничката и екс претседателка на Комисијата за едно општество на СДСМ Ѓулумсер Касапи е меѓу годинешните добитници на највисоката државна награда ,,Свети Климент Охридски”.
“Доделување на државната награда „Св. Климент Охридски“ за 2021 година. Честитки за носителите на признанието: универзитетската професорка Ѓулумсер Касапи, во областа на воспитанието и образованието, како и писателот Јован Павловски, музичката уметничка Снежана Анастасова-Чадиковска и академската сликарка-костимограф Елена Дончева во областа на културата и уметноста 🇲🇰”, напиша претседателот Пендаровски во врска со церемонијата која се одржа во Собранието.
Наградата на Касапи и ја доделува македонскиот парламенент каде до пред една година лауреатката била пратеничка и координарка на клубот на пратенички.
Според алатката преку која се објавуваат податоци за македонските политичари таа пред да стане пратеник била член на управен одбор на Нова Демократија на Имер Селмани.
Според ,Мој избор” Касапи дипломирала на Филозофскиот факултет, Група педагогија, во Приштина во 1982 г.
Докторирала на Универзитетот во Тирана во 1994 г.
Во делот за Професионална кариера пишува дека е Вонреден професор на Педагошкиот факултет „Св. Климент Охридски“ Скопје.
Кои се заслугите на Касапи за воспитанието и образованието и што таа објавила или направила во овие области а е од државен интерес во 2021 година не и е познато на јавноста.
Касапи која беше пратеничка на СДСМ и шеф на партиска комисија која ја формираше Заев во јавноста е позната и како мајка на членот на кабинетот на вицепремиерот Артан Груби кој според МВР беше фатен со наркотици по што беше избркан од својата советничка позиција во владата каде го советувал Артан Груби за култура и општество.
Уште еден советник на Груби со досие, МВР одзела прашкаста материја од Касапи
Ѓулумсер Касапи е доктор по педагошки науки но за неа нема многу податоци што точно предава и која е нејзината научна специјалност.
Таа до неодамна активно се занимаваше со политика и учествуваше на партиски настани на СДСМ а сега е лауреат на највисока државна награда.
