Матис дојде до Загреб, за Скопје немаше време!

Американскиот секретар за одбрана, Џејмс Н. Матис, ја потврди „нераскинливата трансатлантска врска“ меѓу САД и Европа и ја истакна трајната посветеност на САД на мирот и просперитетот на континентот за време на состанокот на министерот за одбрана на САД и Јадранската повелба во Загреб.



„Денеска сум тука за да ја зајакнам заложбата на Америка за безбедноста и стабилноста на југоисточна Европа“, рече Матис.

Јадранската повелба беше основана во 2003 година започнаа од САД, Албанија, Хрватска и Македонија како основачки членови. Подоцна се прошири и ги вклучи Босна и Херцеговина и Црна Гора како членови, а Косово, Србија и Словенија се набљудувачи.

„САД остануваат посветени на југоисточна Европа, а оние кои сакаат да не поделат нема да успеат“, рече американскиот министер за одбрана Џејмс Матис во Загреб вчера на почетокот на состанокот на министрите за одбрана на Американско-јадранската повелба во Загреб.
Необично е што американскиот секретар за одбрана не допатува и во Скопје со оглед на тоа што Македонија беше во „фокусот“ за време на самитот на НАТО, на кој доби покана за почнување претпристапни преговори за идно членство во Алијансата, но откако ќе исполни с’е од Договорот за името постигнат со Гrција.

А токму Матис ја потврди поддршката на САД за напорите на секоја нација да избере сопствен пат на регионална и глобална сцена, без разлика дали е тоа НАТО, Европската унија или и двете.

Понатаму, тој ја потврди поддршката на САД за политиката на отворени врати на НАТО, во која членството во НАТО е отворено за секоја европска држава која е подготвена да ги унапреди принципите на основачкиот договор на Алијансата и да придонесе за безбедноста на Северноатлантската област.