Околу информациите во јавноста дека во рок од две години биле увезени 29 милиони тони отпад, градоначалникот Петре Шилегов дернеска рече дека најголем увозник на отпад во Македонија е „Макстил“.
„Разговарав со Министерството за животна средина. Таму ја имаат точната евиденција и на количините и на субјектите и на бројот на субјектите кои што се издадени. Тоа што од таму ми е кажано е дека не станува збор за отпад што се депонира туку за отпад што се користи во индустриски цели. Како најголем увозник се јавува Макстил, а се увезува отпад од старо железо“, рече Шилегов, како што пренесе Слободен Печат.
