Во напис за новите измени во процесот на прием на нови членки во ЕУ, Ројтерс се осврнува на француската позиција, а особено на ставот на Емануел Макрон кон балканските земји во и надвор од Унијата.
Агенцијата тврди дека измените што ги предлага Европската комисија за прием на нови земји ќе имаат за цел да им се овозможи на постојните членки „да кажат повеќе“ и да ја направат нивната позиција појасна.
Истовремено, според Ројтерс, се прави обид да се „смилува“ Франција, која „стави вето на проширувањето на Унијата во шест земји на Балканот“ и постетува на настаните во октомври, кога претседателот Емануел Макрон го блокираше почетокот на преговорите со Македонија и Албанија
Комисијата се надева дека ќе ја убеди Франција да ги повлече своите приговори пред самитот во Загреб со балканските земји во мај.
„Макрон стана најглавна фигура меѓу европските политичари“, продолжува Ројтерс.
„Според францускиот претседател, последното големо проширување, кога Романија и Бугарија се приклучија во 2007 година, беше премногу избрзано и потребна е претпазливост при приклучување на повеќе членови од регионот зафатен со корупција и криминал“.
Измените, кои Комисијата се очекува да ги објави утре, ќе им дадат моќ на постојните членки да го замрзнат пристапниот процес за новите земји или да ги принудат државите да ги започнат преговорите за влез во одредени области од политиката од самиот почеток, се вели во текстот на Ројтерс.
Сè уште не е јасно дали Франција ќе биде задоволна од новите предлози: „Кај Макрон имаме 60% шанси за успех. Сите други влади во ЕУ исто така мора да се согласат со новиот метод “, изјавил неименуван извор за Ројтерс.
„Другите земји, вклучително и Холандија и Данска, исто така се скептични во врска со проширувањето, но во ЕУ велат дека доколку можат да ја убедат Франција да ги повлече своите забелешки, тие земји веројатно ќе го следат тоа“, велат изворите.
Висок официјален претставник на ЕУ исто така изјави: „Без Макрон, ниту Холанѓаните ниту Данците не ги блокираа самите преговори; со сигурност не за Македонија, а веројатно дури и во Албанија “.
