Францускиот претседател Емануел Макрон изјави дека не ја исклучува можноста за испраќање борбени авиони во Украина, но предупреди на ризикот од ескалација на конфликтот.
„Ништо не е исклучено во принцип“, рече Макрон по разговорот со холандскиот премиер Марк Руте на прашањето за можноста за испраќање борбени авиони во Киев, кој се бори против руската инвазија.
Но, Макрон постави голем број „критериуми“ пред да донесе каква било одлука.
Меѓу нив, дека Украина мора прво да гарантира дека секое оружје „нема да биде од ескалаторска природа“ и дека „нема да има веројатност за удари на руска територија, туку само да им помогне на напорите на отпорот“.
Макрон додаде дека секое снабдување со оружје „не смее да го ослабне капацитетот на француските вооружени сили“.
