Љупчо Димовски кој беше монструозно апсен од владата на Зоран Заев во својот дом за наводно учество во насилство за 27 април е избран за претседател на Социјалистичката партија.
Човекот што беше во протвор но не се согласи да гласа за уставните измени и промена на името е едногласно избран за новиот претседател на СПМ од делегатите на партијата.
На деветтиот Конгрес на партијата одржан во Кратово, Димовски е избран по предлог од 53 општински организации.
Конгресот почна со едноминутно молчење за Љубисав Иванов Ѕинго кој до неговата смрт беше претседател на СПМ цели 25 години. Делегација од партијата положи венец на неговото вечно почивалиште по што продолжи одржувањето на Конгресот.
Во својот говор новиот претседател Љупчо Димовски изрази задоволство што овој деветти конгрес се одржува токму во Кратово со цело почитување кон претседателот Љубисав Иванов Ѕинго.
Димовски вети дека ќе ја оправда довербата на членовите и ќе ја раководи партијата на најдобар можен начин а за што има аманет од досегашниот претседател Љубисав Иванов Ѕинго, да ги следи неговите заложби -СПМ да биде силна партија на народот која ќе делува по веке трасираниот пат.
Порача дека како никогаш досега е потребно единство и сплотеност за справување со предизвиците.
На Конгресот се избираа сите членови на работни тела на партијата, извештаи за работењето на партијата а беше донесена и изгласана Декларација во која се содржани сите заложби на СПМ која ќе биде доставена до државниот врв.
