6,5 килограми хероин, сокриен во автомобил марка „Форд Фиеста“ i управуван од 55-годишниот македонски државјанин А. З. заплениле српските власти.
Како што јави дописникот на МИА од Белград, полицијата ја открила дрогата при претрес на возилото во близина на местото Лапово. Хероинот бил поделен во 12 пакувања, сокриени во специјално изработени бункери во автомобилот.
Македонскиот државјанин е уапсен под сомнеж за сторено кривично дело „недозволено производство и трговија со опојни дроги“ и му е изречена мерка притвор во траење од 48 часа. Со очекува тој да биде изведен пред Вишото јавно обвинителство во Крагуевац.
