Македонија, од неодамна 30. членка на НАТО, располага со 31 тенк, наведува „Милитари баланс“ во извештајот за 2020 година.
Станува збор за моделот Т-72А, набавени во Украина во 2001 година, кои се најнапредна верзија на Т-72 во регионот, направена за Советската армија, за разлика од извозната верзија што ја користат Бугарија и Унгарија, со потенок оклоп и со послаби борбени карактеристики.
Од земјите во регионот помалку тенкови има Словенија, која располага со 14 М-84 во активна служба од 57 преземени од ЈНА по повлекувањето во 1991 година. Албанија и Црна Гора немаат ниту еден.
Од вкупно 924 тенкови во армиите на осум држави од опкружувањето, најмногу има Романија – вкупно 400.
Следува Србија со 212 (од нив 199 М-84 и М-84А, како и 13 Т-72), а трета е Бугарија со 90 (Т-72М1 и М2).
Хрватска располага со 75 М-84, а Босна и Херцеговина има 58, од кои 13 М-84 и 45 американски М60А3.
Унгарија има 44 Т-72, а нарача уште толку Леопард 2А7.
