Според податоците од 2016 година обајвени денеска од Евростат, Македонија се наоѓа на европското дно со само шест проценти лица вакцинирани против вирусот на грип на возраст над 65 години.
Помал процент вакцинирани на таа возраст за оваа болест има само во две членки на Европска унија – во Естонија три отсто и во Летонија четири отсто.
Во ЕУ лидер е Велика Британија со 71 проценти, пред Шпанија со 56 отсто, Ирска со 55 отсто итн., а на ниво на Унијата просекот е 43 отсто, што е пад во однос на 50 отсто во 2011 година.
Од земјите во регионот, блиску до Македонија во овој поглед се Турција со 7 отсто, Романија со 8 отсто, Словенија со 10 отсто, Србија со 11 отсто итн.
