Претседателката на Европската комисија, Урсула фон дер Лајен, соопшти дека малолетни мигранти кои се наоѓаат во Грција, следната недела најверојатно ќе бидат пренесени во Луксембург.
Како што пренесува „Ал Џазира Балканс“ Фен дер Лајен вели дека „се работи за ‘1.600 малолетници без придружба’… првите летови ќе одат за Луксембург најверојатно следната недела.
Осум земји изразија подготвеност да ги преземат тие деца“, рече Фон дер Лајен, не наведувајќи за кои земји се работи, ниту пак колку деца ќе бидат пренесени во Луксембург со првиот бран.
На почетокот на март, германската влада најави дека група земји од Европската унија ќе примат до 1.500 деца од грчките кампови, пред се оние на кои им е потребна итна помош заради болест, потоа деца без придружба до 14 години и првенствено девојчиња.
