Претседателот на Белорусија, Александар Лукашенко, изјави дека физичкото казнување може да биде полезно за воспитувањето на децата.
Како што пренесуваат западните медиуми, Лукашенко нагласил дека лично е против физичкото казнување на децата, но дека „некогаш тепањето со камшик може да биде корисно за детето“.
Белорускиот претседател навел дека често го казнувал постариот син, а тоа била добра лекција и за помладиот.
Тој на новинарите им соопштил дека е потребно уште да се работи на законот со кој ќе се криминализира насилството во семејството.
Лукашенко смета дека Белорусите треба да се придржуваат до својата традиција, а не да преземаат „бесмислици од Западот“.
Интересно, македонскиот премиер Зоран Заев неодамна на предреферендумски митинг изјавуваше дека за македонскиот граѓани, а и за него лично, е неопходен камшикар кој ќе ги доведе во ред бидејќи се однесувале како деца!
