Платите на лекарите-специјалисти ќе се зголемат за 25 проценти почнувајќи од февруари, а на медицинските сестри за 10 проценти, најави денеска министерот за здравство Венко Филипче.
Според министерот, со сите други зголемувања од 2018 година досега основната плата на лекарите-специјалисти е зголемена за 40 проценти, а на медицинските сестри меѓу 35 и 38 проценти.
Филипче објасни дека заедно со двојното зголемување на дежурствата, и до три пати зголемените неделни и празнични дневници, „сега платата на лекар-специјалист во Клиничкиот центар, на хируршките и на интерните клиники ќе достигне, а кај на некој и ќе надмине, 100.000 денари“.
