Обвинителството за организиран криминал ја проширило истрагата за екс-генералниот секретар на Владата Мухамед Зекири.
Станува збор за друг кривично-правен настан, каде што владата, преку генералниот секретар Мухамед Зекири, склучила договор со правно лице за консултантски услуги за реорганизација на Желeзници, информираат од обвинителството за Телма.
Обвинителстовото го сомничи дека и овој договор бил склучен без тендер. Тој е осомничен за злоупотреба на службената положба уште од април кога обивнителстовто за организиран криминал отвори истрага за Зекири, и уште двајца хрватски државјани, исто така за договор за консултантски услуги без постапка за јавна набавка.
Покрај физибилити студијата за приватизација на Македонска пошта сега Зекири се истражува и за сличен документ за железници.
Во меѓувреме, скопска апелација му го продолжи домашниот притвор за нови 30 дена.
