Поскапе тестирањето за коронбавирус во приватната клиника „Жан Митрев“ и отсега наместо 1.500 денари, пациентите ќе треба да платат 3.950 денари, објави АлфаТВ.
Пациенти се повеќе се решаваат за тестови „на приватно“ бидејќи се жалат дека не можат да го минат комплицираниот алгоритам за да бидат тестирани на товар на Фондот за здравство. Голем дел од нив, кои дури имале и сомптоми, по препорака на матичните доктори се тестираат приватно.
Од менаџментот на болницата Жан Митрев новата повисока цена за речиси 150% ја правдаат со зголемените трошоци.
„Дневните капацитети на тестирање се зголемени од 30 тестови дневно на 300, поради што четирикратно се зголеми персоналот во лабораторијата. Набавивме нова апаратура и нови типови на заштитна опрема. Старата цена на тестовите ќе остане за сите досега закажани пациенти“, велат од Клиниката за Алфа ТВ.
