Пратеник на косовската Демократската партија (ПДК), Беким Хаџију во пресрет на денешното одбележување на 110-годишнината од независноста на Албанија повика на обединување на Косово со Албанија.
„Утре, на заедничката седница на парламентарците на Албанија и (т.н.) Косово, гласајте за исправање на историската неправда, за обединување на Албанија и Косово во конфедерација на албанската држава“, порача Хаџиу.
„Да се обединиме во една држава, со една влада и еден сенат и два конгреса на Косово и Албанија“.
Хаџиу тврди дека е време за „важни одлуки за нацијата“.
„Да го зачуваме албанскиот идентитет и да бидеме заедно таму каде што припаѓаме, во Европската унија“, вели тој.
Тој ги повика претставниците на Албанија и Косово на „акција за суштински и визионерски одлуки за народот“.
„Ова е можно, ова е патот на националното единство кон албанската конфедерација“, вели Хаџију.
