По неколку неуспешни средби, конечно падна договор меѓу Владата и Синдикатите. Вработените во јавниот сектор ќе добијат зголемување на платите за 10% од септември, а од март 2025-та системски модел за раст на платите според зголемувањето на просечната плата.
Се надмина и каменот на сопнување, односно регресот за годишен одмор. Синдикатите не отстапија од барањето сумата да не биде под 10.000 денари за секој вработен. Владата и на ова се согласила.
Министерката за труд и социјална политика Јованка Тренчевска изјави дека е постигнат договор за потпишување на општиот колективен договор и за сите оние спорни прашања кои со месеци се разговараат со претствниците на синдикатите.
- – Договоривме дека новата методологија за прсметка на платио за вработените во јавниот сектор ќе започне од март 2025 година. Со сптемвриската полата во 2023 ќе биде покачувањето од проценти на платите во јавниот сектор, К-15 до крајот на декември 2023 година во висина од 10.000 денари, а во општиот колективен договор ќе стои одредба за исплатата на К-15 од 2024 година да биде најмалку 30 проценти од висината на просечната плата во изминатата година, објави во изјавата за медиумите по средбата Тренечевска.
За сето ова да се реализира, министерот финансии Фатмир Бесими ќе прави ребаланс на буџетот во септември, но колку пари ќе бидат потребни не кажа, а исто така не откри и од кои ставки ќе се крати за да се најдат пари за овие работници.
