Николај Диковски е Бугаринот кој беше уапсен во Скопје поради нелегален престој во Република Македонија и обвинение за шпионажа.
Бугарските медиуми пренесуваат дека бил принуден да ја напушти територијата на земјата, иако тука живеел со години, па дури и имал и бизнис.
„Во петокот околу 13:00 часот по македонско време заѕвонија на вратата во сместувањето во кое живеам. Отворив – тоа беа двајца полицајци во цивилна облека кои рекоа дека само вршеле рутинска проверка на жителите од населбата. Доста мирно ја предадов личната карта. Рекоа дека треба да ме однесат во полициска станица“, изјави Диковски за НОВА за тоа што се случило.
Бугаринот во придружба на двајцата полицајци отишол во полициска станица од каде побарале да се направи увид за неговиот престој во земјава. Му рекле дека ги пречекорил 90-те дена дозволени за престој во Северна Македонија.
„Проблемот беше што навистина го поминав тој 90-дневен период на чекање. Знаев за тоа, но исто така се заснова на нешто. Апсолутно сум запознаен со законодавството на Република Македонија. Поднесов документи за отворање фирма. Врз основа на оваа компанија лесно можам да го регулирам мојот престој таму. Намерно ми ја одложија регистрацијата на фирмата“, изјавил Бугаринот. Тој додава дека властите на РМ се правдаат со сезоната на летни одмори и со состојбите во државата.
Николај Диковски не знае од каде е обвинението за шпионажа. Се сеќава дека откако полицијата му побарала документи, се јавила во миграциските служби.
Додека бил сам во собата, во неговата соба влегле 25 цивили. Тие не се претставиле, туку почнале психички да ги вознемируваат приведените, се присетува тој. „Тие беа заинтересирани за секоја моја постапка во текот на мојот живот. Тотален распит кој почна во 13 часот, а заврши во 23 часот и 59 минути, вели Диковски.
Според исклучениот Бугарин од РМ, на распитот никој конкретно не го спомнал зборот „шпионажа“, туку прашањата биле во овој контекст. Го прашаа кој го обучувал, кој го пратил, дали ги води протестите. Но, Диковски тврди дека и како гледач не излегол на протести.
На прашањето дали мисли дека причината за апсењето може да биде фотографија со Зоран Заев, тој одговори дека со него одржуваат добри односи од 2012 година, кога Заев се уште не бил на политичката сцена.
