Во Охрид има околу 700 нелегални градби, но за секоја дивоградба за која има кривична пријава ќе нема спас, па било чија да е, изјави вчера градоначалникот на Охрид Константин Георгиески.
Изјавата доаѓа по предупредувањето од УНЕСКО се препорачува природното и културното наследство на Охридскиот Регион да се стави на Листата на загрозено светско наследство поради неодмерената градежна експанзија и загадување.
Но, прва мерка што ја презеде градоначалникот е – корнење на околу 150 палми засадени во 2016 години што предизвика лавина реакции на социјалните мрежи.
Дивите градби – ќе почекаат…
