Денеска во 16 часот е закажана средба на премиерот Зоран Заев со лидерот на БЕСА, Биљал Касами, на која ќе се разговара за барањата на оваа партија со кои го условува гласањето за уставните измени.
Движењето БЕСА е против државјанството во македонскиот устав да биде македонско, а државниот карактер да биде моноетнички, да биде етнички македонски…
Касами пред Нова Година му порача на премиерот да размисли за барањата на БЕСА или да си бара други гласови за обезбедување 2/3 мнозинство за изгласување на уставните измени.
Премиерот е оптимист дека ќе обезбеди двотретинско мнозинство и дека процесот на имплементацијата на Преспанскиот договор ќе заврши успешно.
