РС Македонија и Македонците сè уште се робови на српските политички перцепции кои се темелат на тоа дека само Албанците и Бугарите се штетни за држава. Во РС Македонија „Длабока држава“ не е Македонија, туку Србија. РСМ се уште е политички огранок на Белград. Станува збор за руско-српски концепт кој успешно се спроведува на Балканот, вели во интервју за БГНЕС писателот и новинар, Ким Мехмети..
Тој вели дека државните институции во РС Македонија работат за владејачките партии, а не за граѓаните. Партиите станаа трговски друштва. И Албанците и Македонците не чувствуваат дека државата е нивна. РС Македонија скапува внатре.
Во подолгото интервју, Мехмети оценува дека оставката на Зоран Заев е задоцнета, односно дека тој има многу причини да ја поднесе.
„Заев ја претвори државата во локва во која ништо не се случуваше, а во исто време се случуваа многу други, деструктивни работи. Ништо позитивно не се случи за Македонија – ништо да напредува, ништо да се разликува од режимот на ВМРО-ДПМНЕ – ДУИ.
Сега само го обнови составот кој беше преплавен со кал и обвинуван дека е држава во држава. И не беше власта таа што и служеше на државата, туку државата која и служеше на власта за нејзините лични интереси“, вели Мехмети.
Според него, еден од големите проблеми на Македонија е што стана земја во која државните институции не работат за граѓаните, туку за владејачките партии.
