„Претседателот на Движењето Беса Билал Касами го повика повторно лидерот на ДУИ Али Ахмети да каже кој му ги финансира мегаконцертите и за ова да ја објави листата на финансиери.“ – напиша лидерот на оваа албанска опозициска партија во својата објава, за која извести информативната агенција на албански јазик ИНА.
ИНА ја пренесува исцело објавата на Касами:
„Лидерот на ДУИ Ахмети изјави дека ‘мегаконцертот’ во ова време на толку голема економска криза го финансираат разни донатори и компании.
Оттука,во име на отвореноста треба да им каже на граѓаните за овие донатори и компании и да не ги крие, бидејќи станува збор за вчудовидувачки износ на пари.
Само неколку дена претходно на една компанија од Тетово големиот пожар и предизвика штета од околу 12 милиони евра. Со создавањето на оваа Влада мнозинството на бизниси претрпеа големи загуби, поради лошото владеење и оптоварувањето на бизнисите со непотребни трошоци. Зад ова се крие уште една многу сомнителна афера, каде што за да се оправда нивната мегакорупција организираат такви мегаконцерти, кога е врвот на една глобална финансиска и економска криза и тие концерти ги оправдуваат како финансирање од страна на приватните бизниси.
Нека бидат од ДУИ отворени и нека ја објават листата на донатори и компании, кои што финансираат, инаку во спротивно создаваат простор за сомневања дека сите овие непотребни издатоци се прават со пари изнудени преку корупцијата на функционерите на ДУИ!“
