Поради пукната водоводна цевка под Костолачката улица во Белград, пропадна камион за достава, јави РТС.
Возачот на камионот, кој превезувал намирници за Геронтолошкиот центар останал неповреден, а за РТС раскажа дека не бил свесен што му се случило.
„Возев полека, а камионот одеднаш потона, не знаев што ме снајде. Соседите рекоа дека пријавиле дефект во „Водовод“, но никој не дошол, а јас поминав тука прв“, рече возачот.
Тој додаде дека не знаел како излегол од пропаднатиот камион со оглед на тоа што инцидентот се случил рано утрово околу 4.30 часот.
