Хрватскиот славист и македонист Горан Калоѓера, поранешен почесен конзул на Македонија во Риека, се огласи по влчерашното гласање во македонскиот парламент за таканаречениот „француски предлог“.
Калоѓера до македонските борци за идентитетот, јазикот и историјата: Цркни,но не попуштај
„Се сметам за независен, слободоумен, образован познавач на македонската книжевна историја, која е тесно поврзана со македонската историја низ вековите, и би пукнал ако не го напишам ова:
Почнувајќи од Константинополската конференција и продолжувајќи, Македонците во преговорите со Европа немаа интелектуалци способни конкретно да ги претстават своите проблеми на „европската маса“- пишува професор Калоѓера.
Овој проблем, вели тој, трае со векови и ја доведе Македонија до состојбата во која се наоѓа денес. Од моментот кога политиката ќе завладеа, работите одат на лошо за Македонците. Причината е многу едноставна. Секој преговарач, кој зборува во име на својот народ, мора добро да ја познава историјата на својот народ, за да ги брани позициите на својот народ со силни, историски засновани аргументи.
Но, не е така од основањето на независна Македонија, која само се влошува со доаѓањето на власт на луѓе кои немаат поим за сопствената историја, кои се неписмени, необразовани, кои не ја слушаат професијата, не обрнуваат внимание на мислењата на МАНУ, на историчари, лингвисти, независни интелектуалци. И тоа ја носи Македонија во позицијата во која е денес“ вели Калоѓера и продолжува:
И колку литература е напишана и во однос на македонскиот, јазикот, историјата, и историјата на литературата. Се игнорираат важните факти дека Македонците во 19 век ја започнале борбата за својот идентитет, јазик и идентитет. А има многу позитивни резултати кои се реализираа во манастирот Прохор Пчињски.
Калоѓера: Не им верувај на Бугарите ни културен клуб кога отвараат
Да се прифаќа дека бугарската војска не ја окупирала Македонија, дека македонскиот не е литературен јазик, да се бугаризираат најдобрите македонски револуционери, да се игнорираат ефектите од преродбенилчкиот период, да се игнорираат жртвите од Кресенското и Илинденското востание, делото на Блаже Конески и генерации македонски лингвисти да се игнорираат, да се опструираат и менуваат македонската историја по диктат на соседната земја, и слепо да ги слушаат предлозите на европските лидери кои немаат поим за Македонија и нејзината историја – Тоа едноставно не е во ред, пишува Калоѓера.
Ако веќе ги решавате проблемите на една земја и ја сакате во вашето опкружување, тогаш правете го тоа според традицијата на најдобрите европски вредности и не уценувајте и притисоци.
Слава и благодарност до сите македонски интелектуалци кои овие години со срце и душа зборуваа со знаење.
Мене лично ми е жал што Европската Унија и нејзините лидери не најдоа порационален начин да го решат македонското прашање. Вака се враќаме двесте години наназад, „тие веќе не се Турци туку волци“!- ја завршува објавата на Фејсбук Горан Калоѓера.
