Се враќа на сила полицискиот час. По еден ден пауза од вечерва повторно забраната за движење за граѓаните според последната одлука ќе почнува во 21:00.
Владата по предлог на Комисијата за заразни болести донесе одлука, да нема полициски час за Велигден односно вчера и за Бајрам ноќта меѓу 12 и 13 мај.
Според здравствените власти олеснувањето на мерките е поради подобрување на епидемиолошката состојба со Ковид-19, намален бил бројот на новозаразени и на пациенти кои имале потреба од хоспитализација.
Вкупната бројка на КОВИД-дијагностицирани лица во нашата земја од почетокот на епидемијата изнесува 152.581, бројката на оздравени пациенти е 133.070, на починати е 4.891, а бројот на активни случаи изнесува 14.620.
