Имаме огромна трагедија и ја користам приликата да им изразам сочувство на роднините на жртвите. Ова го изјави премиерот на Бугарија, Стефан Јанев, од местото на инцидентот со 46 жртви од Македонија лиј автобус се запали на враќање од Истанбул.
Покрај Јанев, министерот за внатрешни работи на Бугарија, Бојко Рашков, и заменик главниот обвинител Борислав Сарафов беа на местото на настанот.
„Да се надеваме дека од овој инцидент ќе извлечеме поуки и повеќе нема да дозволиме вакви инциденти. Во моментов е јасно само дека автобусот е регистриран во Северна Македонија. Во раните утрински часови го известивме премиерот Заев“, рече Јанев.
Министерот Рашков рече дека детално трагедијата ќе биде објаснета во текот на истрагата.
„Од мое искуство би рекол, дека вакво нешто не сум видел досега, разговаравме со колегата Сарафов. Тешко е да се идентификува и утврди идентитетот на лицата. На патниците им било кажано да се префрлуваат од еден автобус до друг за време на одвоените патувања. Од Истанбул кон Скопје сообраќале четири автобуси. Можно е некој да се префрлил, па тешко е да се каже точниот број на загинати“, изјави Рашков.
Ова е непознато во поновата човечка трагедија, изјави заменик-обвинителот Борислав Сарафов.
