Македонските обвинители ги пробиваат законските рокови и не сносат одговорност за постапките кои мораат да важат за сите граѓани.
Ова се посочува во најновиот Извештај за состојбата на човековите права на американскиот Стејт департмент за Македонија, според кој обвинителите често ги пробиваат законските рокови за комплетирање на истрагите, а за тоа не сносат никакви последици.
Македонските закони предвидуваат истрагите треба да се завршат за 6 месеци, а роковите може да се продолжат до 12 и 18 месеци за покомплексните случаи на организиран криминал со дозвола на претпоставениот, но во пракса, обвинителите често ги пробиваат роковите.
Американскиот извештај нотира дека судската неодговорност, големиот притисок врз судиите, бавната правда и нерешеното финансирање на правосудството и обвинителството и натаму ги попречуваат работата и ефикасноста на судовите и дека тоа влијае врз јавната доверба во правосудството.
Според извештајот владата демонстрира поголема почит за независноста и непристрасноста на судството во споредба со претходните години.
Целиот извештај овде
