Шефот на одделот за билатерална соработка со европски држави во МНР Методија Белевски е новиот амбасадор на Македонија во Брисел.
Белевски е познат како човек кој бил испратен од МНР да ја координира и организира работата на Македонските членови на комисијата за историја со Бугарија а сега добива амбасадорска функција.
Тој никогаш не ги демантираше информациите дека вршел притисок и се заканувал на член на историската комисија со Бугарија конкретно на професорот Ванчо Георгиев.
Георгиев подоцна си даде оставка од комисијата а министерот Османи тврдеше дека бил избркан од неа што индиректно ги потврдува информации дека Белевски вршел притисок и се заканувал.
Информацијата на Алфа е од пред 9 месеци а Белевски никогаш не ја демантираше.
,,Како се стигнува до амбасадор во Белгија низ примерот на Методија Белевски 👉 човекот кој вршеше притисоци при носењето одлуки врз Комисијата за историја со Бугарија”, пишува за случајот генералната секретарка на Левица Јована Мојсовска.
За заканите и притисокот сведочеше и професорот Георгиев но тој никогаш не го објави името на дипломатот од МНР.
