Изборите ќе бидат наредната година во редовниот термин, прво претседателските, а потоа и парламентарните, рече денеска партискиот портпарол и пратеник од реедовите на СДСМ, Дарко Каевски, според кој партијата останува на принципиелниот став.
Тој рече дека СДСМ е подготвена да разговара за датумите за изборите, на ниво на работни групи.
„Нашиот став е принципиелен и непроменет. Изборите ќе бидат наредната година во редовниот термин прво претседателски а потоа и парламентарни. За точниот датум за одржување на овие избори прво за претседателските, а потоа и за парламентарните сме спремни да разговараме на ниво на работни групи. Очекувам за брзо тие да се формираат и да почнат со работа“, рече Каевски.
