„На крајот на силите сме“, признал лекарот Романо Паолучи, кој се вратил од пензија за да и помогне на болницата „Оглио По“ во близина на Кремона, еден од најтешко погодените градови во Ломбардија.
„Немаме доволно ресурси, а особено вработени затоа што, меѓу другото, персоналот сега се разболува“.
Во болницата, дури 25 од 90 лекари се заразени со коронавирус, што врши дополнителен притисок врз здравствениот систем, кој веќе е поразен од пандемијата на коронавирус.
Кога ќе се избројат медицински сестри, техничари и друг болнички персонал, една петтина од персоналот во болницата е позитивен на коронавирусот, изјави директорот на болницата Даниела Ферари.
Здравствените работници како нив скоро сигурно го шират вирусот без дури да го знаат тоа пред да им треба третман или да заминат во самоизолација, велат научниците и медицинските синдикати.
