Опозициската партија би освоила 348.000 гласа, СДСМ 210.000, ДУИ над 100.000 ако сега има избори, покажуваат резултатите од теренска анкета спроведена од ИПСОС за ВМРО-ДПМНЕ месецов.
Опозициската партија би имала поддршка од 19,4 проценти а СДСМ 11,7 %.
ДУИ 6,4 % односно 115.000 гласа, а Левица 6,7 % или 120.000 гласа.
Како што информираше партискиот лидер, Христијан Мицкоски, на денешниот брифинг за новинари нема расположение кај граѓаните за протести и излегување на улица.
Како главни проблеми граѓаните ја посочуваат економијата, а 66 проценти дека земјата оди во погрешна насока. Од институциите најлошо е оценето судството и Собранието.
Теренската анкета спроведена од ИПСОС по барање на ВМРО-ДПМНЕ опфатила 1027 испитаници, а истата е направена во периодот од 2 до 12 декември.
Опозициската партија очекува изборите да се одржат на 14 или 21 мај, а да се распишат во втората половина на јануари, со техничка влада од февруари…
