Просветниот инспектор Ѓорѓи Илиевски испрати писмо до премиерот Зоран Заев и до, како го нарекува „вториот премиер“,Али Ахмети, во врска со со сознанијата дека владини функционери незаконски се стекнале со наставно-научни звања на Правниот факултет при Државниот универзитет во Тетово, додека им мирувало работното место на Универзитетот.
Илиевски поднел претставка до Антикорупциска на 13 мај оваа година, а оттаму изјавија дека случајот е обемен и дека ќе се отвори постапка за натамошно истражување по овој предмет.
Во отвореното писмо, што го објавува порталот „Факултети.мк Илиевски вели:
„Верувам дека лично сте
запознаени, господине премиер Зоран Заев (бев примен од вашиот шеф на кабинет
каде што е предадена целокупната документација и за тоа сум благодарен), а
вториот „премиер“ Али Ахмети сигурно го запознале неговите блиски советници или
е запознат од неговиот внук д-р Бујар Амети, доцент на Правниот факултет при
Универзитетот во Тетово, или преку пишаните и електронски медиуми и портали за
скандалот, за унапредувања во наставно-научни звања на високи јавни владини
функционери чии работни места им биле во мирување додека извршувале јавни,
односно државни функции, како што се актуелниот министер за образование и наука
м-р Арбер Адеми од асистент во наставно-научно звање доцент, заменик-министерот
за внатрешни работи Агим Нухиу од доцент во вонреден професор и директорот на
Државниот завод за индустриска сопственост, Сафет Емрули, унапреден од асистент
во доцент и вонреден професор“ се вели во писмото.
Целиот текст од писмото на следниот ЛИНК
