„Гаутам Адани, индиски милијардер го престигна Џеф Безос, кој досега беше вториот најбогат човек на светот.
За само 10 месеци тој се пресели од 14-тото место на второто место на листата на најбогатио со богатство од 146,9 милијарди долари.
Прв на листата на Блумберг и натаму е Илон Маск, кој е „тежок“ 260 милијарди долари.
Ова е првпат некој од Азија да се истакне толку високо во највисоките ешалони на индексот на богатство, во кој доминираат американски технолошки претприемачи, пишува CNN.
Богатството на Адани (60- кој е најбогат човек во Азија, главно е поврзано со акциите на неговиот голем конгломерат „Адани Груп“, кој работи низа бизниси, вклучувајќи пристаништа и јаглен, аеродроми, цемент, медиуми и зелена енергија…
Најголемите пристанишни и аеродромски оператори во приватниот сектор во земјата, градскиот дистрибутер на гас и рудниците за јаглен се дел од империјата Адани, која исто така има за цел да стане најголемиот светски производител на обновлива енергија. Минатата година ветиле дека ќе инвестираат 70 милијарди долари во зелена енергија, потег што некои го критикуваа како „зелено перење“ со оглед на тоа што голем дел од приходите на групацијата сè уште доаѓаат од фосилните горива.
