Лидерот на Нова демократија, Кирјакос Мицотакис, го отфрли предлогот „Република Илинденска Македонија“ како иредентистички.
Одбивањето доаѓа откако за него во Софија разговарале премиерите Зоран Заев и Алексис Ципрас, а вториот по телефон го информирал за тоа Мицотакис, кој е лидер на грчката опозиција.
Според извори во Неа демократија, терминот Илинден е историски поврзан со обидите да се создаде македонска нација, која што го вклучува Солун и се протега до Егејот.
Против ова име е и ексминистерот за надворешни работи Евангелос Венизелос, според кој името е „епитом на иредентизмот“.
Според грчките медиуми, Илинден е антинацистичко движење на Балканот во 1944 година, кое требало да ја обедини географска Македонија.
Грчки извори пренесуваат дека Ципрас од Заев побарал време за да се процесира новиот предлог и да ги држи ниско очекувањата на јавноста.
